Култуура үлэһиттэрэ нэһилиэнньэҕэ эдэриттэн эмэнигэр диэри сынньалаҥнарын тэрийэн, араас кэнсиэртэри, күрэхтэри, тематическэй киэһэлэри ыытан элбэх киһи биһирэбиллэрин ылбыттара.
90-с сылларга талах курдаах Таатта уола Соколов Василий Дмитриевич күтүөттээн кэлэн, анал үөрэҕэ суох да буоллар, айылҕа биэрбит талаанынан муусука салайааччытынан үлэлээбитэ. Үлэлиирин тухары элбэх киһини муусукаҕа угуйан, ВИА бөлөҕү тэрийэн, детсад уонна оскуола оҕолорун ыллыырга үөрэтэн-такайан ырыа-муусука эйгэтин киэҥник сырдаппыта. Ол курдук кини бэйэтэ ырыа суруйан мелодист аатын ылбыта. Биллэр ырыалара: “Оо, Бүлүү”, тапталлаах кэргэнигэр анаабыт ырыата – “Дьөккөн кыыһа”, “Хара-харах” уо.д.а. Василий Дмитриевич тэрийбит “Таммахчаан” диэн уһуйаан саастаах оҕолорго, “Үрүҥ түүн” диэн улахан дьоҥҥо аналлаах ырыа күрэхтэрэ улуус иһигэр билигин да үгэскэ кубулуйан ыытылла тураллар. Хомойуох иһин, Василий Дмитриевичпыт биһиги кэккэбититтэн хомолтолоохтук туораабыта. Кини аатын үйэтитэргэ Дьөккөн нэһилиэгэр “Оо, Бүлүү” диэн ырыа күрэҕин аймахтарын кытта кыттыһан үс сылга биирдэ тэрийэн ыытабыт. 2016 сылтан В.Д. Соколов аатынан стипендия олохтонон, Советскай Союз Геройа Н.А. Кондаков аатынан Дьөккөн орто оскуолатын култуура эйгэтигэр ситиһиилээх, көхтөөх выпускнигар сылын ахсын туттарыллар.
Ырыа күрэҕэр кыттааччылар толороллор: Согласие на обработку персональных данных
«Олох… Дьылҕа… Үйэлэргэ өйдөбүл…» Василий Егорович Федоров хомуйуута
«Оо, Бүлүү» (-) В. Соколов тыл.,мел.
Өбүгэ саҕаттан туойуллан
Саха уруйун иҥэриммит,
Алгыстаах тылларга бигэнэн
Ырыаҕа, хоһооҥҥо ылламмыт.
Припев:
Оо, Бүлүү, оо, Бүлүү
Устаҕын эн ыраах
Бар дьонум алгыһын тутаҥҥын
Долгунура уста эн турууй.
Кумахтаах биэрэккэр талахха
Чыычаахтар ыллыыллар, туойаллар,
Долгуннурар киэҥ көҕүс угар
Хоптолор үөрбүттүү дайаллар
Өссө да кэлэр кэрэ кэмнэргэ
Өссө да эн уста туруоҕуҥ
Кэнэҕэски кэлэр ыччаккар
Кэрэ айылҕалаах эн көрсөөр
Ырыа—-Соколов В
«Хоргутуу» Екатерина Аммосова тыл., Василий Соколов мел.
Ууламмыт харахтарбын эн көрүүй
Уонна өйдөөрүүй хоргутарбын.
Алҕас быстах санаа кыттыһан
Өһөскөр эн миигиттэн тэйдин.
Припев:
Мин бардым хаһан да кэлбэттии
Эрэнэ күүтүмэ эн миигин.
Дьылҕабар киниэхэ эрэнэн
Аналбын көрдүү мин аттанным.
Бырастыы кын уонна быраһаай
Эн хааллыҥ төбөҕүн санньытан.
Хоргуппут харахтарыҥ уоттара
Кэннибэр сайыһа хааллылар.
«Таптал ыарыыта» (-) Ольга Корякина-Умсуура тыл., В. Соколов мел.
Сүрэхпин эмтэҕиэн бу таптал ыарыыта
Билбэппин хаайтаран хайдах да буолуохпун.
Тулабар туймаардар иэйиилээх музыка
Эрийэр ыарыыттан сөп буолбут сүрэхпин.
Припев
Оо таптал эйиэхэ тобуктаан тураммын
Үҥэбин мин күммүн утары эн ыытыый.
Сатаатар түп-түргэн мүнүүтэ сыысчаанын
Кинилиин хааларбар эн миэхэ анаарыый, анаарыый
Билэбин мин кини эр бэрдэ уоллааҕын
Тапталым диэн тылы анаабыт уоланын.
Тапталым дьоллонуон мин санаам ба5арар
Атыны сүрэхтэн туох эрэ сипсийэр
Мин өйүм сүрэҕим өйдөспөт мөккүөрэ
Бу хаһан уурайан дууһабын сынньатар.
Оо арай, оо арай бу сэрии түмүгэр
Сүрэхпин сүтүгэ суох миэхэ хаалларда.
«Сиэттиһэн сэгэйэ хаамыахха» (-)
«Оскуола биһигэ» (-) Марианна Соколова уонна Вера Григорьева тыллара, Василий Соколов мел.
«Таптал ыарыыта» (-) Умсуура тыл., В. Соколов мел.
«Доҕорбор» (-) В. Соколов тыл.уонна мел.
Биир үтүө күн эйигин көрбүтүм,
Баар этэ эн нарын мичээриҥ.
Сүрэхпэр иҥмитэ тапталыҥ,
Санаабын, дууһабын үллэстэ.
Припев:
Мин эйигин таптыыбын,
Мин эйигин ахтабын.
Мин ыраас, нарын тапталым,
Сүрэҕим, дууһам аанньала
Доҕоруом…
Аҕалла эдэр саас таптала,
Алаһа, дьиэ-уот тэринэн.
Ыал буолар кэрэ түгэни,
Ытатта төрүүр төлкөнү.
Чанчыктарбыт кырыаран,
Кырдьар сааспыт кэлиэҕэ.
Сүүс сүүспүтүттэн өйөнсөн,
Олохпутун бииргэ түстүөх.
«Былыттар» (-)
«Билэбин» (-) Далана репертурара, В.Соколов аранжировката
«Биир наҕыл киэһэ» (-) В.Соколов тыл., мел.
«Ахтылҕан хараҕа» (-) Ольга Корякина-Умсуура тыл., В.Соколов мел.
Телефоҥҥа эн саҥаҥ
Олус да ахтыбыккын.
Субу тахсан кэлиэх курдук
Иэйэр курус куолаһыҥ.
Көһүппүккүн толуммакка
Уопсайгар төннүөҥ сатыы
Сүрэххин араас суолга
Аралдьыта сатыы.
Припев:
Хаһыс, хаһыс төгүлүн
Имиллибит кэнбиэрдэри
Бэрийэргин көрөбүн.
Өрө тыынан хоскор аастыҥ
Хараҥа куолайынан
Оо дьэ, тугу санаатыҥ
Саарбах, саарбах…
Суобаспар сөһүргэстээн
Кэлэйэ кэнэйдэнним
Ол да кыннар бүгүн эмиэ
Сурук кыайан суруйбатым
Көһүппүккүн толумакка
Уопсайгар төннүөҥ сатыы
Сүрэххин араас суолга
Аралдьыта сатыы.
«Сахам кэрэ кыыһа» (-) В. Соколов тыл., мел.
Биир, кэрэ киэһэ
Доҕоруом эйигин көрбүтүм.
Эн, эн эрэ
Мичээриҥ сүрэхпин абылыыр.
Припев:
Хара, хара ,хара харахтаах
Сахам нарын, кэрэ кыысчаана.
Куруутун эйигин саныыбын, күүтэбин.
Хара, хара ,хара харахтаах
Сахам нарын, кэрэ кыысчаана.
Куруутун эйигин саныаҕым.
Бу, кэрэ түүнү
Доҕоруом эйиэхэ аныаҕым.
Сайыҥҥы үрүҥ түүн
Дьаарбайа хаамсыахпыт сиэттиһэн.
Эн, кэрэ – нарын
Мичээриҥ бу баардыы саныыбын.
Хаһан, эйигин
Көрсөрбүн долгуйа күүтэбин.
«Дьөккөн кыыһа» (-) В.Соколов тыл., мел.
Кини хараҕа мичээрдиир
Кинини ахтар күнүгэр,
Кыламантан кытыастар мичээр
Килбигийэр эдэр сүрэҕэ
Тугу барытын умнан, кини Бүлүүгэ барыа…
хос ырыата:
Дьөккөн кыыһа (4 төгүл)
Кини намыын кэрэ көрүүтэ
Килбик нарын мичээр умайар,
Ким да хараҕын араарбат
Кини кэрэ көрүңүттэн
Тугу барытын умнан, кини Бүлүүгэ барыа…
хос ырыата:
Кинини көрсүөҕэ таптала
Кытылга ол Бүлүү биэрэгэр,
Килбик эдэр саас тапталыгар
Күөдьүтүө дьиңнээх тапталын
Тугу барытын умнан, кини таптала күөдьүйүө…
хос ырыата:
«Көрсүһүү үөрүүтэ» В. Соколов тыл., мел.
Эйигин көрбүт ол киэһэттэн
Куруутун хараххын саныыбын,
Куруутун мичээргин күүтэбин
Эн хаһан кэлэргин ахтаммын.
хос ырыата:
Ханнаҕыный хара,
Хара харах,
Ханнаҕыный нарын,
Кэрэ саха кыыһа.
Санаатым, доҕоруом, бу бүгүн
Эн сэмэй, эн ыраас мичээргин
Эн эдэр, эн ыраас тапталгын
Соҕотох чункуйан олорон.
хос ырыата:
Өйдүүгүөн үөрүүлээх түгэни
Аан бастаан көрсүбүт күммүтүн,
Алааспыт хатыннаах чараңар
Өйдүүгүөн уураһыы имэңин.
хос ырыата:
«Доҕорбор»
«Доҕорбор»
«Хоргутуу» Екатерина Аммосова тыл., Василий Соколов мел.
«Таптал ыарыыта» (-) Умсуура тыл., В. Соколов мел.
«Сахам кэрэ кыыһа» (-) В. Соколов тыл., мел.
«Сахам кэрэ кыыһа» (+) В. Соколов тыл., мел.
«Сайыҥҥы түүл» (-) С. Хатылаева тыл., В. Соколов мел.
«Сайыҥҥы түүл» (-) С. Хатылаева тыл., В. Соколов мел.
«Оо, Бүлүү» (-) В.Соколов тыл., мел.
«Оо, Бүлүү» (-) В.Соколов тыл., мел.
«Сүрэхпэр эн эрэ» (+) В.Соколов тыл., мел.
Биир наҕыл киэһэ мин
Күүлэйдии сылдьан.
Биир саха нарын, кэрэ
Кыысчаанын көрбүтүм.
Ол кыысчаан көрүүтэ сүрэхпэр, сүрэхпэр
Сүппэт баас буолан хаалла. (2 төгүл)
Ол онтон ыла мин
Хас киэһэ аайытын.
Ол саха кэрэ, нарын
Ол кыысчаан көрүүтэ сүрэхпэр, сүрэхпэр
Сүппэт баас буолан хаалла. (2 төгүл)
Кыысчаанын көрдүүбүн.
Биир наҕыл киэһэ мин
Күүлэйдии сылдьан.
Биир саха нарын, кэрэ
Кыысчаанын көрбүтүм.
Ол кыысчаан көрүүтэ сүрэхпэр, сүрэхпэр
Сүппэт баас буолан хаалла. (2 төгүл)
«Биир наҕыл киэһэ» (-) В.Соколов тыл., мел.
«Ахтылҕан хараҕа» (-) Умсуура тыл., В.Соколов мел.
«Доҕорбор» (-) В.Соколов тыл., мел.
