Суббота, 2 декабря, 2023
ДомойUncategorizedВ.Д. Соколов аатынан истипиэндийэ

В.Д. Соколов аатынан истипиэндийэ


Соколов Василий Дмитриевич — ырыа айааччы
(1965-2015)

Соколов Василий Дмитриевич 1965 с. муус устар 27 күнүгэр Таатта оройуонугар (улууһугар) төрөөбүтэ. Төрөппүттэрэ — Иван Егорович, Мария Дмитриевна (култуура туйгуна) Матаннановтар. Бииргэ төрөөбүттэр бэһиэлэр: Василий, Егор, Иван, Гульнара, Сардана.
1987 с. Василий Дмитриевич олоҕун аҥарын Оксана Васильевнаны көрсөн ыал буолан 4 оҕоломмуттара.
Соколов В.Д. айбыт ырыалара: «Дьөккөн кыыһа», «Оо, Бүлүү», «Көрсүһүү үөрүүтэ», «Оскуолам биһигэ» уо.д.а.
Соколов Василий Дмитриевич култуураҕа үлэтэ:
1988-1993 сс. — Дьөккөннөөҕү тыа сиринээҕи култуура дьиэтин музыкальнай салайааччыта.
1994-2009 сс. — уус-уран салайааччы.
2011-2015 сс. — «Саһарҕа» муниципальнай бюджетнэй тэрилтэ директора.
2015 сыллаахха күн сириттэн туораабыта.
Өр сылларга үлэлээн ааспыт, айар дьоҕурдаах, дэгиттэр талааннаах Василий Дмитриевич Соколов аатын үйэтитэр сыаллаах «Сарыал» култуура киинэ 2016 сылтан, кини аатынан истипиэндийэ олохтоон, култуура эйгэтигэр көхтөөх, култуура куруһуоктарыгар дьарыктаммыт, Советскай Союз Геройа Н.А. Кондаков аатынан Дьөккөн орто оскуолатын бүтэрээччи оҕоҕо туттарар.

Положение стипендии В.Д. Соколова
Истипиэндийэ ылбыт оҕолор:
2016 с. — Абрамов Юрий
2017 с. — Николаев Дьулустаан
2018 с. — Дмитриева Чэмэлиинэ
2019 с. — Иннокентьев Алексей
2020 с. — Чиркова Эммануэлла
2021 с. — Егорова Розанна
2022 с. — Павлова Надежда
2023 с. Василий Дмитриевич Соколов аатынан истипиэндийэ туттарылынна — Н.Г. Чернышевскай аатынан Бүлүүтээҕи профессиональнай педагогическай колледж 2-с кууруһун устудьуонугар Харысхан Дмитриевкэ.
Харысхан Дмитриев детсад сааһыттан ырыаны, үҥкүүнү өрө тутан нэһилиэк олоҕор, кэлин «Тэтим» үҥкүү бөлөҕөр уонна «Хомусчаан» хомус муусукатын ансаамбылыгар дьарыктанан улууска, республикаҕа таһаарыылаахтык кыттыбытын иһин анал грамотанан уонна В.Д. Соколов аатынан истипиэндийэнэн наҕараадаланна.

ОСТАВЬТЕ ОТВЕТ

Please enter your comment!
Please enter your name here

Most Popular

Recent Comments