Суббота, 13 апреля, 2024
ДомойUncategorizedСаха Өрөспүүбүлүкэтигэр судаарыстыбаннас күнэ

Саха Өрөспүүбүлүкэтигэр судаарыстыбаннас күнэ


Дьөккөн нэһилиэгэр Саха Өрөспүүбүлүкэтин судаарыстыбаннаһын күнүн бэлиэтээтэ. Манна саҥа талыллыбыт нэһилиэк баһылыга Антон Иннокентьевич Михайлов эҕэрдэ тыл эттэ уонна эдэр учууталларга, Иванов Н.К., Катанов А.С. өйдөбүннүк С.Ф. Гоголев туһунан кинигэни бэлэх уунна. Советскай Союз Геройа Н.А. Кондаков аатынан Дьөккөн орто оскуолатын профкомун бэрэсэдээтэлэ Ю.Н. Федорова оскуола коллективын уонна оҕолорун ааттарыттан эҕэрдэ тыл эттэ. Саҥа үөрэҕин бүтэрбит, саҥа идэни баһылаабыт история учуутала Ньургун Кимович Иванов дьоһуннаахтык эҕэрдэ тылы эттэ уонна саха норуотун туһугар турууласпыт М.К. Аммосов, П.А. Ойуунускай, биир дойдулаахпыт С.Ф. Гоголев курдук чулуу уолаттары холобур оҥорон, кинилэргэ тэҥнэһиэхтээхпит диэн кэпсээтэ. Ону кытта оскуола лидера Сайаана Данилова судаарыстыбаннас күнүнэн эҕэрдэлээн патриотическай иитиигэ оскуолаҕа туох үлэлэр барбыттарын кылгастык билиһиннэрдэ.

Предыдущая статья
Следующая статья

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Most Popular

Recent Comments