Пятница, 24 мая, 2024
ДомойUncategorizedОҕону айар үлэнэн иитии

Оҕону айар үлэнэн иитии


Ыам ыйын 18 күнүгэр Дьөккөн нэһилиэгэр «Сарыал» култуура киинигэр «Ыллыкчаан» оҕо уһуйаанын тэрилтэтэ 2022-2023 үөрэх дьылын түмүктүүр творческай оччуота буолан ааста.
«Ыллыкчаан» оҕо уһуйаанын коллектива, иитиллээччилэрэ бу үөрэх дьылыгар айар үлэнэн ситиһиилээхтик дьарыктаммыттарын туоһулуур быыстапка тэрийдилэр уонна нэһилиэнньэҕэ кэнсиэртээтилэр.
Оҕо уһуйаанын үлэһиттэрэ айылҕаттан дэгиттэр дьоҕурдаахтарын, нэһилиэнньэ олоҕор көхтөөхтүк кытталларын туоһулуур бэртээхэй быыстапканы уонна кэнсиэри көрдүбүт. Оҕо иитиитигэр айар үлэнэн сайыннарыы биир сүнкэн хайысхата буолар. Ол курдук биһиги нэһилиэкпит «Ыллыкчаан» оҕо уһуйаанын иитээччилэрэ уонна үлэһиттэрэ кэрэ эйгэҕэ оҕону иитиигэ күүскэ үлэлэһэллэрэ, дьаныардаахтык дьарыктыыллара көстөр. Ону таһынан төрөппүттэри кытта ыкса үлэлэһэллэрэ, эмиэ бу быыстапка кэрэ баайа кэпсиир. Илиинэн араас оҥоһуктары кимнээх, хайдах оҥорбуттарын сэбиэдиссэй Ионова А.И. көрөөччүлэргэ сиһилии кэпсээтэ. Ол кэннэ оҕолуун үлэһиттиин, бары биир сомоҕо буолан айар дьоҕурдарын сыанаҕа таһаардылар. Үлэһиттэр туора турбакка, ким-туохха дьоҕурдааҕынан кытыннылар. «Ыллыкчаан» оҕо уһуйаанын эдэр үлэһитэ Дмитриева Ксения Афанасьевна оҕону ыллыырга, үҥкүүлүүргэ, араас омуктар муусукаларын үнүстүрүмүөнүгэр оонньуурга дьарыктаан, дьоҕурдаах оҕолору сыанаҕа таһааран кэнсиэри киэргэттэ.
«Ыллыкчаан» оҕо уһуйаанын коллективыгар, сэбиэдиссэй Ионова Альбина Ионовнаҕа уонна оҕолор төрөппүттэригэр «Сарыал» култуура киинин аатыттан барҕа махталбытын тиэрдэбит.
Үлэҕитигэр өссө үрдүк таһаарыылаах ситиһиилэри, тус бэйэҕитигэр чэгиэн туругу баҕарабыт!

Предыдущая статья
Следующая статья

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Most Popular

Recent Comments