Сэтинньи ый 26-27 күннэригэр Үөһээ Бүлүүгэ Саха Республикатын остуол оонньууларын хабылык, хаамыска маастара Д.Я. Федотов кэриэһигэр саха национальнай остуол оонньууларыгар хабылыкка уонна хаамыскаҕа республиканскай турнир буолан ааста. Манна Республика араас муннуктарыттан ааттаах-суоллаах маастардар, спортсменнар кэлэн кытыннылар. Биһиги нэһилиэктэн Саха Республикатын остуол оонньууларын маастардара Галина Николаева уонна Айаал Дмитриев, ону кытта маастарга кандидат Мичил Дьяконов кытыннылар.
