Суббота, 13 апреля, 2024
ДомойUncategorized"Кэрэ эйгэ 2023" оҕолорго аналлаах күрэх

«Кэрэ эйгэ 2023» оҕолорго аналлаах күрэх


Дьөккөн нэһилиэгэр оҕо көмүскэлин күнүгэр аналлаах «Кэрэ эйгэ 2023» оскуола оҕолоругар күрэх ыытылынна. Күрэх ааптара — «Сарыал» култуура киинин уус-уран салайааччыта Данилова Парасковья Ильинична.
Бу күрэххэ Советскай Союз Геройа Н.А. Кондаков аатынан Дьөккөн орто оскуолатын үөрэнээччилэрэ кылааһынан кытыннылар. Балаһыанньа быһыытынан сэттэ номинацияҕа (ырыа, үҥкүү, хоһоон, сценка, фольклор, мода-авангард, конферансье) кылаастар күөн күрэстилэр.
Күрэҕи дьүүллээтилэр: «Ыллыкчаан» оҕо уһуйаанын үлэһитэ Дмитриева К.А., Дьөккөн орто оскуолатын иитэр үлэҕэ директоры солбуйааччы Катанов А.С., «Сарыал» КК директора Дмитриев А.И.
Тэрээһин үрдүк таһымнаахтык ааста. Кылаас оҕолоро бэйэлэрин кыахтарынан, баҕаларынан бэркэ бэлэмнэнэн кытыннылар. Саҥа талааннар арылыннылар, саҥа ырыаһыттар баар буоллулар. Тэрээһини ыытыыга кылаас салайааччылара оҕолорун түмэннэр күүс-көмө буоллулар. Оҕолор үөрэ-көтө, көхтөөхтүк кытыннылар.
Күрэх түмүгүнэн бэлэмнэспит, кыһаллан үлэлэспит салайааччыларга «Лучший руководитель» диэн номинация туттарылынна.
Кыайыылаахтар (Гран-при):
Хоһоон — МБДОУ ДС «Ыллыкчаан», салайааччы Дмитриева Марианна Петровна

Мода-авангард — 2-с кылаас, салайааччы Афанасьева Надежда Гаврильевна

Конферансье — 7-с кылаас, Григорьев Артур, салайааччы Петрова Владислава Владимировна

Үҥкүү — 5-с кылаас, салайааччы Семенова Валентина Егоровна

Сценка — 7-с кылаас, салайааччы Петрова Владислава Владимировна

Фольклор — 3-с кылаас, салайааччы Григорьева Татьяна Владимировна

Ырыа — 4-с кылаас, салайааччы Жирохова Валентина Афанасьевна

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Most Popular

Recent Comments