Дьөккөн нэһилиэгэр Саха Өрөспүүбүлүкэтигэр Ийэ күнүгэр ийэлэргэ аналлаах маастар кылаастар ыытылыннылар.
Кумаахыны кырыйан араас дьэрэкээн ойуулары таһаарыыга Дьөккөн нэһилиэгин библиотекаря Васильева Варвара Кононовна бэртээхэй үлэни, үөрэтиини көрдөрдө. Кэлбит ийэлэр үөрэ-көтө дьарыктаннылар. Онтон саха муусукатын үнүстүрүмүөнүгэр, хомуска Дмитриев Айаал Ильич баҕалаах ийэлэргэ хомуска оонньооһун бастакы хардыылары билиһиннэрдэ уонна хомуска оонньуурга үөрэттэ. Советскай Союз Дьоруойа Н.А. Кондаков аатынан Дьөккөн орто оскуолатын алын кылаас учуутала Жирохова Валентина Афанасьевна «Попробуем себе технику правильного дыхания. Узнаете способы снятия зажима в теле. Станцуем для души и тела» диэн ааттаах маастар кылааһы ыытан, нэһилиэк ийэлэригэр олус интэриэһинэй дьарыгы көрдөрдө, үөрэттэ.
Саха сиригэр Ийэ күнүн чэрчитинэн алтынньы 24 күнүгэр Дьөккөн орто оскуолатыгар Дьөккөн нэһилиэгиттэн төрүттээх Саха Өрөспүүбүлүкэтин НХП маастара, Бүлүү улууһун норуот маастара Леонтьева Виктория Алексеевна бэйэтин сатабылын үллэстэ, айар үлэтин быыстапкатын «Кылтан-сэлээппэ, сиэлтэн-олбох» көрдөрө ыалдьыттаата.
Виктория Алексеевнаҕа кэлэн ыалдьыттаабытыгар, нэһилиэгин дьонун кэрэҕэ угуйбутугар улахан махталбытын тиэрдэбит.
«Ийэлэр уонна оҕолор»
Сэбиэскэй Сойуус Дьоруойа Н.А. Кондаков аатынан Дьөккөн орто оскуолатын үрдүкү кылааһын оҕолоро уонна нэһилиэк ийэлэрэ хамаанданан көрдөөх араас оонньууларга оонньоотулар, күрэхтэстилэр.
Дьөккөн нэһилиэгин ийэлэрэ чөл олоҕу пропагандалаан скандинавскай хаамыыга туруннулар
