https://vk.com/wall-221485194_341
https://vk.com/wall-221485194_338
Арассыыйаҕа дьиэ кэргэн, Саха Өрөспүүбүлүкэтигэр оҕо саас, Бүлүү улууһугар Степан Максимович Аржаков 125, Дьөккөн нэһилиэгэр Култуура уонна төрүт үгэс утумун сылларыгар аналлаах 11-рис төгүлүн «Эдэр ыччат — биир сомоҕо!» улуустааҕы культурнай-спортивнай фестиваль буолан ааста.
Эн эдэр ыччат
Инниҥ диэки эрчимнээхтик, тэтимнээхтик
Үүнэн ис, сайдан ис
Үрдүктэн үрдүккэ дьулус!
Үтүөтэттэн үтүөҕэ талас!
Кэрэттэн кэрэҕэ талыс!
«Эдэр ыччат – биир сомоҕо!” фестиваль быйыл биһиги биир дойдулаахпыт хомуньуус, бэлиитик, анал байыаннай дьайыы кыттыылааҕа, Саха Өрөспүүбүлүкэтин 3-с кылаастаах дьиҥ судаарыстыбаннай сүбэһитэ, Саха Өрөспүүбүлүкэтигэр ыччат бэлиитикэтин туйгуна, Саха Өрөспүүбүлүкэтигэр гражданскай көҕүлээһин туйгуна, Саха Өрөспүүбүлүкэтигэр “Дьиэ кэргэн бэлиитикэтэ сайдарыгар өҥөтүн иһин” бэлиэ хаһаайына, Российскай Федерация президенын уурааҕынан “Эр санааланыы” уордьан кавалера, киэн туттар чулуу уолбут Савва Анатольевич Михайлов сырдык кэриэһигэр ананар.
Общественнай политическэй деятель, Саха Өрөспүүбүлүкэтин Ил Дарханын көрүүтүгэр киирэр бигэ турук уонна тирэхтээх сайдыы сэбиэтин чилиэнэ, нуучча географическай обществотын чилиэнэ, Бүлүү кэскилэ общественнай хамсааһын бэрэссэдээтэлин солбуйааччы, Саха Өрөспүүбүлүкэтин политикатын уонна гражданскай көҕүлээһинин туйгуна, дьиэ кэргэн политикатыгар кылаатын иһин өрөспүүбүлүкэбит түөскэ кэтэр бэлиэтин хаһаайына, анал байыаннай эпэрээссийэҕэ бэйэтин баҕа өттүнэн барбыт Савва Анатольевич туһунан билиһиннэрэбит.
Кини Бүлүү улууһун Бөтүҥ сэлиэнньэтигэр 1984 сыллаахха тохсунньу 13 күнүгэр күн сирин көрбүтэ.
Савва оҕо сааһа Дьөккөн нэһилиэгэр ааспыта, оскуоланы манна бүтэрбитэ, үөрэҕэр кыһамньылаахтык үөрэнэр буолан учууталлар убаастабылларыгар сылдьыбыта. Савва оҕо эрдэҕиттэн дьиэ ис-тас үлэтигэр сыстаҕас этэ, үлэни барытын кыайа-хото тута улааппыта. Оскуолаҕа үөрэнэр сылларыттан салайыы, тэрийии өттүнэн дьоҕурдааҕа биллэн бииргэ үөрэммит, алтыспыт доҕотторугар, оҕолорго холобур буолара.
2002 сыллаахха Дьокуускайдааҕы судаарыстыбаннай үнүбэрситиэткэ биолого-географическай бөкүлтүөккэ кэтэхтэн үөрэнэ киирбитэ. Эдэр сааһыттан хомсомуол баартыйа үлэтинэн дьарыктаммыта. Савваны доҕотторо, табаарыстара өйөөннөр, Арассыыйа бэдэрээссийэтин хомуньуус-баартыйатын салаатыгар Саха Өрөспүүбүлүкэтигэр хомсомуол сэкэрэтээринэн анаабыттара.
2006 сылтан 2021 сылга дылы Саха Өрөспүүбүлүкэтэ сайдарыгар Сава Анатольевич араас салайар дуоһунастарга, общественнай хамсааһыннарга үлэлээбитэ.
Олоҕун аҥара, Валерия Александровнаны кытта, сүрэхтэрин холбоон, таптаһан 2007 сыллаахха ыал буолбуттара, кыыстаах уол оҕоломмуттара.
2022 сыллаахха Савва Анатольевич бэйэтин баҕатынан анал байыаннай эпэрээссийэҕэ барбыта.
Ол сылдьан улаханнык ыалдьан 2023 сыллаахха сэтинньы 8 күнүгэр олохтон хомолтолоохтук туораабыта.
11 сыл устата сыл аайы Бүлүүбүт улууһун эдэр ыччата мустан култуурунай уонна спортивнай күрэхтэһиилэргэ кыттан, бэйэ-бэйэлэрин кытта билсэн, санаа атастаһан тарҕаһаллара үтүө өйдөбүл буолара саарбаҕа суох. Бүгүҥҥү үөрүүлээх күҥҥэ фестивальга кытта кэлбит хамаандаларбытыгар өссө биирдэ төлөннөөх эҕэрдэбитин тиэрдэбит.
https://vk.com/wall-221485194_339
Фестиваль түмүгүнэн:
ГТО күрэҕэр —
1 миэстэ Дьөккөн нэһилиэгэ
2 миэстэ Бороҕон нэһилиэгэ
Көрдөөх стартар —
1 миэстэ Дьөккөн нэһилиэгэ
2 миэстэ Бороҕон нэһилиэгэ
Канат тардыһыыта —
1 миэстэ Дьөккөн нэһилиэгэ
2 миэстэ Бороҕон нэһилиэгэ
Эдэр педагогтар —
1 миэстэ Дьөккөн нэһилиэгэ
2 миэстэ Бороҕон нэһилиэгэ
Бизне-проект —
1 миэстэ Бороҕон нэһилиэгэ
2 миэстэ Дьөккөн нэһилиэгэ
Видеоролик —
1 миэстэ Дьөккөн нэһилиэгэ
2 миэстэ Арыылаах нэһилиэгэ
3 миэстэ Бороҕон нэһилиэгэ
Үҥкүү —
1 миэстэ Арыылаах нэһилиэгэ
2 миэстэ Дьөккөн нэһилиэгэ
3 миэстэ Бороҕон нэһилиэгэ
Ырыа —
1 миэстэ Бороҕон нэһилиэгэ
2 миэстэ Арыылаах нэһилиэгэ
3 миэстэ Дьөккөн нэһилиэгэ
Уопсай түмүк —
1 миэстэ Дьөккөн нэһилиэгэ
2 миэстэ Бороҕон нэһилиэгэ
3 миэстэ Арыылаах нэһилиэгэ
