Пятница, 24 мая, 2024
ДомойUncategorizedДьоһун ситиһии

Дьоһун ситиһии


Ыам ыйын 15 күнүгэр Дьокуускай куоракка Россияҕа Педагог уонна наставник, Саха Республикатыгар Үлэ сылыгар аналлаах «Таланты Евразии 2023» диэн интернациональнай проект фестиваля буолан ааста. Онно ырыа, үҥкүү, музыкальнай инструмент араас көрүҥэр, уус-уран тыл, театр уонна фольклор хайысхаларыгар үс бөлөххө арааран (уһуйаан саастаах оҕолор, оскуола оҕолоро, улахан дьон) республика араас муннуктарыттан, уопсайа 550 киһи кытынна.
Биһиги нэһилиэктэн, Бүлүү улууһун аатыттан «норуот инструмена» хайысхаҕа «Хомуһун» бөлөх уонна Данилова Эльза (хомуска соло), ону кытта «эстрада ырыата» хайысхаҕа Жирохова Валентина кыттаннар Дьоһун ситиһиини аҕаллылар.
Бу күрэх уратыта диэн — бөлөхтөн, хайысхатыттан тутулуга суох, үстүү лауреаты уонна биирдии гран-при хаһаайыттарын таллылар.
Жирохова Валентина «Хаамабын» диэн ырыанан — дипломант 1 степени


Данилова Эльза хомуска дьүрүһүтэн — дипломант 1 степени


«Хомуһун» бөлөх «Көлүкэчээн» диэн композициянан — лауреат 2 степени



ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Most Popular

Recent Comments