Воскресенье, 27 ноября, 2022
ДомойUncategorizedДьөккөн нэһилиэгэр муҥха саҕаланна

Дьөккөн нэһилиэгэр муҥха саҕаланна

2022 с. сэтинниьи ый 12 күнүгэр Дьөккөн нэһилиэгэр муҥха саҕаланна.
Быйылгы муҥхалааһын нэһилиэктэн 3 км тэйиччи сытар Аччыгый күөл диэн эбэҕэ саҕаланна. Бу күн нэһилиэк олохтоохторо эдэриттэн эмэнигэр дылы 46 киһи сырытта. Ханнык баҕарар нэһилиэккэ буоларын курдук муҥха сиэринэн күөлгэ киириэх инньинэ уот уонна күөл иччилэрин аһатан алгыстаан, ыраастанан баран эбэбитигэр киирэн муҥхабытын түһэрдибит. Дьон көхтөөхтүк үлэлээн-хамнаан барда. Нэһилиэк олохтоохторо Иван Капитонов уолунаан Владимирдыын муҥхалааһыны салайан, ким тугу гыныахтааҕын ыйан-кэрдэн биэрэн муҥха хаамыыта өрө күүрүүлээхтик барда. Ону кытта нэһилиэк эдэр эрчимнээх аҕа баһылыга Антон Михайлов уонна нэһилиэк биир бастыҥ көхтөөх олохтооҕо Олег Степанов анньыыһыттары салайан, нырыыһыттар хаамыыларын хонтуруолаан биэрэ, биэрэ муҥха икки өттүнэн күөлү тэлийэ көттүлэр. Дьэ, ол курдук дьон элбэх буолан нырыыһыттар үлэлэрэ күүркэйэн эбэбит өлгөм балыгынан күндүлээтэ.

Предыдущая статьяКөмө акция концерт «Бары бииргэ»
Следующая статьяПлан ФХД 2022 г.

ОСТАВЬТЕ ОТВЕТ

Please enter your comment!
Please enter your name here

Most Popular

Recent Comments