✳️⚜️Олунньу ый 9-10 күннэригэр Дьокуускай куоракка ыытыллыбыт инбэлииттэргэ анаан хабылык, хаамыска күрэҕэр Дьяконов Мичил Степанович маастар нуорматын толорон бастыкы миэстэ буолла 🏆🥇👏🏻🤩
Онтон олунньу 10-12 күннэригэр Мэҥэ Хаҥалас улууһун Аллараа Бэстээх нэһилиэгэр ыытыллыбыт Андрей Иванович Донской аатын уйэтитэр, сахалыы остуол оонньууларыгар биирдиилээн уонна хамаанданан бастыыр иһин Республика чемпионатыгар биһиги нэһилиэктэн үс спортсмен — Николаева Галина Васильевна, Дмитриев Айаал Ильич уонна Дьяконов Мичил Степанович кыттан Бүлүү улууһун эрэллээхтик көмүскээн, аатын ааттатан кэллилэр. 👏🏻🥳
Манна Дьяконов М.С. республика күүстээх спортсменнарын кытта күөн көрсүһэн, эмиэ маастар нуорматын толорон үһүс бириистээх 🥉 миэстэҕэ таҕыста👏🏻🥳
⚜️Уопсай түмүгүнэн:
🥇1 миэстэ Бүлүү улууһа
🥈2 миэстэ М-Хаҥалас улууһа
🥉3 миэстэ Үөһээ Бүлүү улууһа.
Бу курдук биһиги, Дьеккеммут нэһилиэгиттэн, остуол оонньууларыгар 3️⃣ маастар нуорматын толорбут спортсменнарбытынан киэн туттабыт 👏🏻🤩
Өрүү бу курдук сайда-чэчирии туруҥ, өбүгэлэрбит төрүт оонньууларын тарҕатан, кэлэр кэнчээри ыччакка холобур буолуҥ диэн баҕа санаабытын этэбит 👏🏻🥳
А.И. Донской аатынан Республиканскай чемпионат
