Суббота, 13 апреля, 2024
ДомойUncategorizedҮрүҥ тунах ыһыаҕа

Үрүҥ тунах ыһыаҕа


2023 с. бэс ыйын 23 күнүгэр Бүлүү улууһун Дьөккөн нэһилиэгэр Үрүҥ тунах ыһыах ыһылынна.
2019 сыллаахха Егор Степанов баһылыктыыр кэмигэр оҥотторбут Эбэ киириитигэр ыһыахтыыр сиргэ ыытылынна. Ол иннигэр ыһыах нэһилиэк ортотугар турар, үйэ саас тухары ыһыахтаан кэлбит «ыһыахтыыр площадка» диэн миэстэҕэ буолара. Саҥа сиргэ, пандемия кэмин аахпакка, иккис ыһыах ыһылынна. Айылҕа ортотугар ыһыах ыһар, алгыс тыллар этиллэллэрэ, оһуохайы оройуттан тутуу, бөҕөстөр, кыргыттар күөн-күрэстэрин тэрийии туохтааҕар да ордук көстүүлээх. Айылҕа кэрэ көстүүлэригэр, күөх от сытыгар дьону-сэргэни кытта алтыһыы, эҕэрдэлэһии, үйэ саас тухары хаалар хаартыскаларга түһүү киһи өйүгэр-санаатыгар букатын хаалыа дии саныыбыт.

Быйылгы дьылга баҕалаах дьон бары ыһыах ыһа киирэн Дьөккөн нэһилиэгэр аан бастакынан ыытыллыбыт «Лэҥкэ Боотур» диэн ыччакка аналлаах күрэҕи көрөн дуоһуйан таҕыстылар. Ону кытта эмиэ аан бастакытын ыытыллыбыт ох саанан ытыы күрэҕэ дьон сэҥээриитин ылла. Саха омуга буоларбыт быһыытынан саха төрүт култууратын өрө тутан саха таҥаһын тигээччилэр, оһуохай этиитин күрэхтэрэ ыытылыннылар. Аҕа ууһун сөргүтэр сыалтан аҕа ууһунан түһүлгэ тэрийии күрэҕэ эмиэ буолан ааста.

Ыһыах арыллыытыгар Дьөккөн нэһилиэгин баһалыга Антон Иннокентьевич Михайлов эҕэрдэ тыл этэн баран Дуоҕаны ытык сиргэ аста.

Оһуохай этээччилэрин күрэҕэр Николаева Токуйаана чөллөркөй куолаһынан Дьөккөн нэһилиэгин сайдыытын туһунан оһуохай тылын таһааран бастыаҕын бастаата. Иккис миэстэни ылбыт, «Ыллыкчаан» оҕо уһуйаанын иитээччитэ, нэһилиэк көхтөөх олохтооҕо Светлана Афанасьева буолар.

Түһүлгэ тэрийии күрэҕэр икки аҕа ууһа кытынна.
«Афанасьевтар» түөлбэ түһүлгэ кэрэ көстүүтүн оҥорон дьон уонна дьүүллүүр сүбэ биһирэбилин ыллылар.
«Баҕадьалар» түөлбэ «Балыксыт оллооно» диэн хаартыскаҕа түһэр фотозона оҥорон, элбэх киһини түмтэ.
«Киэн туттар дьоммут» уонна «Өбүгэм туос иһитэ» диэн быыстапка күрэҕэр «Афанасьевтар» түөлбэттэн Дьөккөн орто оскуолатын учуутала Константинова Ирина Алексеевна аҕатын Алексей Егорович, Светлана Прокопьевна ийэтин Прасковья Егоровна тустарынан быыстапка бэлэмнээн дьүүллүүр сүбэҕэ кэпсээтилэр. Уонна кыайыылааҕынан буоллулар. Екатерина Христофоровна туос иһит оҥорон быыстапкалаан эмиэ бастаата.

Дьүүллүүр сүбэ: Дьяконова Е.П. Дмитриев А.И.

Сүүс саастаах туос иһит

Саха таҥаһын тигии күрэҕэр нэһилиэк иистэнньэҥнэрэ Григорьева Надежда уонна Егорова Айна кыттаннар, илин-кэлин түсүһэн бэртээхэй саха таҥастары көрдөрөн, дьүүллүүр сүбэ биһирэбилин ыллылар.
Дьүүллүүр сүбэ хамыыһыйата — Декоямова Анна уонна Дмитриева Марианна.
Кыыс оҕо таҥаһа:
1 миэстэ — Григорьева Н.С.
2 миэстэ — Федотова М.К.
3 миэстэ — Егорова А.В.
Уол оҕо таҥаһа:
1 миэстэ — Григорьева Н.С.
2 миэстэ — Егорова А.В.
Дьахтар таҥаһа:
1 миэстэ — Михайлова А.И.
2 миэстэ — Егорова А.В.
3 миэстэ — Григорьева Н.С.
Эр киһи таҥаһа:
1 миэстэ — Егорова А.В.
2 миэстэ — Григорьева Н.С.
Маанылаах саха таҥаһын күрэҕэр (атын дьоҥҥо тиктэрбит эбэтэр бэлэми атыыласпыт)
1 миэстэ — Иванов П.П.


ЛЭҤКЭ БООТУР аатынан 5 түһүмэхтээх күрэх этэҥҥэ буолан ааста.
Күрэххэ уопсайа 13 бөтөс кыттыыны ылла 💪🏼
🥇Муҥутуур кыайыылааҕынан таҕыста Бүлүү куоратыттан киирбит ГРИГОРЬЕВ ВАСИЛИЙ💪🏼 Бирииһин туруордулар: Сөдүөт Эмчит — 10 000 солк., олохтоох дьаһалта — 20 000 солк.
🥈2 Үрдэл кыайыылааҕа ИВАНОВ ДАНИИЛ Чинэкэ нэһилиэгиттэн💪🏼
Бирииһин туруорда олохтоох дьаһалта — 20 000 солк.
🥉3 Үрдэл кыайыылааҕа буолла ХАРЫСХАН ДМИТРИЕВ 💪🏼
Бирииhин туруорда олохтоох дьаһалта — 10 000 солк.
4 миэстэҕэ таххыбыт ЖАКИПОВ АЙТАЛГА ИП Дильденкин Леонид Викторович анал бирииһин 3 000 солк. туттардыбыт 💪🏼

Ону таһынан Лэҥкэ Боотур күрэх кэнниттэн нэһилиэкпитигэр бастакытын ОХ СААНАН ытыы күрэҕин ыыттыбыт 🏹 4 хайысханан арааран, уопсайа 25 киһи кыттыыны ылла 🏹🏹🏹
Кыыс о5олорого: 1 миэстэ Данилова Сайаана,
2 миэстэ Николаева Камилла,
3 миэстэ Степанова Виолетта
Уол о5олороо: 1 миэстэ Дмитриев Эрэл,
2 миэстэ Егоров Ваня,
3 миэстэ Афанасьев Афоня,
Дьахталларга: 1 миэстэ Данилова Эльза Павловна,
2 миэстэ Захарова Анна Егоровна,
3 миэстэ Никонова Тамара Владимировна
Эр дьонно: 1 миэстэ Михайлов Петр Артемович,
2 миэстэ Данилов Лазарь Владимирович,
3 миэстэ Михайлов Антон Иннокентьевич буоллулар 🏹👏🏻

Киэһээҥҥи өттүгэр Дьөккөн уонна Арыылаах нэһилиэктэрин көхтөөх дьонун түмүүтүнэн бэртээхэй эҕэрдэ кэнсиэрт буолан ааста.


ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Most Popular

Recent Comments